لو الشعب اختار ابو الفتوح أو حمدين ...يبقي مصر فعلا بتتغير..
بس لو اختار موسي أو شفيق او مرسي ....
يبقي في حد دخل على مصر وهي بتغير :D
مدونة صعيدى حر s3edy7or ( مدونة سياسية - ثقافيه - رياضيه - اجتماعية - اقتصادية - كوميدية - فنية - دينيه - كلامنجيه - صعايدية - حلازونيه -امبولاليه - دمبولاحيه - شنخوراليه ... اي حاجة في اي حاجة )
الاثنين، 21 مايو 2012
صوتي لحمدين صباحي
بعد تفكير عميق وتردد وحيرة
قررت ان ادعم وأويد وأصوت لــ حمدين صباحي
مع كامل احترامي لـ د. أبو الفتوح الذي احترمه واقدره واحترم تاريخة النضالي
حمدين صباحي
واحد مننا
الأحد، 20 مايو 2012
الصمت الانتخابي
-بيقولك مرة مرشح رخم اشترى شريط الصمت_الانتخابى عجبته حتة رجعها مرتين
-بداية من النهاردة , اللى يقولك هاتنتخب مين ؟؟ .. قوله : مش هرد عليك . اللهم ما إني صامت
-هوا انا لو قريت برامج انتخابية اثناء الصمت الانتخابى .. كدا يبقى فطرت ؟؟ ااقصد مينفعليش انتخابات ؟
-احنا نطبق الصمت الانتخابي ونحطه في الدولاب عشان ميتكسرش.
-الصمت الانتخابي لية علاقة بالصمتي متر ؟
-هل هايكون الشعب المصري الشعب المصري الوحيد الى مستني فتره الصمت الأنتخابي عشان يبتدي ينزل الشارع ويعمل دعايا ويلزق بوسترات للمرشح بتاعه ؟...زي حظر التجول كده ؟
-ع الواحده كله يصمت ع السقفه كله يصمت
-الصمت مفتاح الفرج....فرج ولم يعد
يعنـي ايه صمـت إنتـخابـي ؟؟ يعنـي النـاس اتكلـمت فـ الإنتخـابات دلوقتـي
اكتـر من الأيـام اللـي فـاتت
-الصمت الانتخابي ,, يعني المرشحين يطلعوا يكلمونا على التلفزيون بــ الإشارات
الخميس، 17 مايو 2012
أتقتل فى العباسية !
حدث اليوم وفى"
لجنة أمتحان كلية طب نادى المراقب على رقم10 فى الكشف
ماحدش رد
ثم قرأوا الاسم
"أبراهيم أبو الحسن"
رد الطلبة:
أتقتل فى العباسية !
نقلا عن آيه فكرى ( تويتر)
الثلاثاء، 15 مايو 2012
بين قرض السعودية وقرض صندوق النقد اسبوعين ! الاول والثاني بفؤائد ولكن الثاني فقط حرام !؟
نواب الإخوان والنور يصفون قرض البنك الدولي بالـ"حرام شرعا" .
تذكروا الشريعة والربا في قرض فائدتة 3٪ خاص بشبكات الصرف الصحي ؟ وتناسوها في قرض فائدتة 8٪ للحكومة والبرلمان ؟ قادم من السعودية !
بين قرض السعودية وقرض صندوق النقد اسبوعين ! الاول والثاني بفؤائد ولكن الثاني فقط حرام !؟
قبول قرض السعودية بفائدة 8٪ ؟ ورفض قرض صندوق النقد بفائدة 3٪ ؟ ليس سببة الشريعة !
ولكن السمسرة موجودة في الاول وغير موجودة بالثاني
شرح مبسط ..
لقرض الكتاتني من السعودية وقرض صندوق النقد الدولي :
بعد سحب السفير السعودي من مصر خرج وفد ضم 134 شخصية برلمانية وحزبية وعامة .. بقيادة الكتاتني .. بعد نهاية الزيارة ورجوع السفير قام ملك السعودية باعطاء قرض للحكومة المصرية ممثلة في رئيس مجلس الشعب " {قيمة القرض نصف مليار بفائدة 8% )
ولم يعترض شيخ او اخواني واحد علي القرض والجميع شكرة ؟؟
ومنذ ثلاثة ايام .. قام مجلس الشعب برفض قرض صندوق النقد الدولي لمصر " من اجل شبكات الصرف الصحي "
واعلن ان الداعي هو رفض الربا !! وان الفوائد حرام ..
الحقيقة :
رفض القرض او قبولة هو سلاح سياسي بين الاخوان والعسكر للضغط علي اطلاق صلاحيات اكثر لهم او لن يطلقوا يد الحكومة ابدا .
وبجانب آخر
قروض صندوق النقد الدولي تصرف بمعرفة البنك ويتم مراقبة كل قرش منها وعن طريق مبعوثين لا تسلم كاملة للحكومات اي لا مجال واسع للسرقة والعمولات وهكذا "
من شروط قرض صندوق النقد الدولي " الغاء دعم الكهرباء والغاز للمصانع ؟ وهذا يعني الاضرار برجال الاعمال الذين ينفقون علي احزاب العدالة والنور حيث سيتم خسارة الدعم الذي يعطي لهم ان تمت االموافقة علي القرض ؟
ولكن الاخوان والسلفيين وجدوا المنفذ في رفض القرض ان يدعوا انهم رفضوة بدافع الربا وانة حرام ؟ رغم انهم قبلوا قرض السعودية !! بفائدة اكبر .. يراهنون اننا ننسي ؟ ولكن صعب علي ان انسي .
لينكات :
copied
الأحد، 13 مايو 2012
الجمعة، 11 مايو 2012
من وحي مناظرة أبو الفتوح وموسي
موسي : كنت كل ما اعارض مبارك اوي يمسكني منصب,
اخر مرة شتمته بامه خلاني امين جامعة الدول العربية,
جبت سيرة مراته بالبطال جددلي المدة تاني. D:
عمرو موسى : مقبلون على كارثة ! مقبلون على كارثة !!!
ابوالفتوح وموسي :
صرفت كام يا عمرو ؟ .. إنت اللي صرفت كام ؟ ..
كنت فين قبل الثورة يا عمرو ؟ .. إنت اللي كنت فين ؟ ..
كنت بتأيد مبارك يا عمرو ؟ .. سيبك من مبارك ياللي بيأيدك السلفيين يا اخوانجي
عمرو موسي : ايران دوله عربيه !!
بعد عشر سنين امين عام لجامعة الدول العربية اكتشف ان ايران دولة عربية !
موسي : ايران دوله عربيه ... انت روحت ايران ؟
انا روحت وشوفتهم بيتكلمو عربى هناك ؟
انا اللي كنت وزير الخارجية مش انتو يا جهلة
!!!
الاشتراك في:
الرسائل (Atom)