s3edy7or


مدونة صعيدى حر

( s3edy 7or )

الثلاثاء، 27 ديسمبر، 2011

رصيد العسكري ضد الثوره من يناير .انا فاكر .. إنته فاكر ?



رصيد العسكري ضد الثوره من يناير .انا فاكر .. إنته فاكر !? :


1) في 28 يناير الجيش جاب للداخلية اسلحة في شارع القصر العيني الساعه 6 بالليل
2) فجر 29 يناير الجيش فض اعتصام التحرير بالقوة .. ورجعنا الصبح الميدان
3) يوم 2 و3 فبراير .. الجيش فتح الميدان للبلطجية يضربونا
4) من يوم 5 ليوم 8 فبراير الجيش كان بيقبض على اللى جايبين ادوية للثوار عند قصر عابدين وناحية محطة سعد زغلول
5) الجيش ضرب المتظاهرين بالتحرير يوم 25 فبراير .. وطلع قال رصيدنا كافي
6) الجيش عمل كشف عذرية لـ 19 بنت مصرية من المتظاهرين يوم 9 مارس
7) اتقبض على ضباط انضموا للثوار يوم 8 أبريل ومنهم كام واحد مات
9) في 1 رمضان – 1 اغسطس .. الجيش فض اعتصام التحرير بالقوة ودخل جنوده مسجد عمر مكرم بالبيادات .. وسبو الدين في نهار رمضان
10) جنودنا اتقلتلو على الحدود .. ولما اتظاهرنا قدام سفارة إسرائيل ضربونا وسحلونا .. 9 و10 سبتمبر
11) في 9 أكتوبر مدرعات الجيش دهست شبابنا .. أكتر من 20 شهيد
12) من يوم 19 لـ 25 نوفمبر .. الجيش والشرطة قتلو مننا فوق الـ 50 متظاهر .. وسقط مننا الاف المصابين .. وراحت عين أحمد حراره التانيه وشباب زيه كتير .. وجبولنا الجنزوري
13)من يوم 16 ديسمبر لحد دلوقتي الجيش بيسحل .. بيقتل .. بيعري بنات مصر
14)….................... !!!! ??

من المتهم الحقيقي بحرق المجمع العلمي ! ؟




لكل اللي بيقول ان الثوار هم من احرقوا المجمع العلمي 


الكل عارف مين اللي حرق المجمع العلمي 
ليه بتسمعوا وتقروا اللي انتوا عاوزينه بس 
ليه محدش شاف شهادة رئيس المجمع العلمي في مداخلة لما قال ان مش الثوار هما اللي حرقوا المجمع العلمي







من 3 سنين كان فيه حريق في مجلس الشوري وجابوا طيارات هيليكوبتر تطفي الحريق وفعلا في اقل من ساعة قدرت الطيارات تنجز ممتها ونجحوا في اطفاء الحريق اللي كان اضعاف الحريق اللي في المجمع العلمي 
كانت فين الطيارات الهليكوبتر دي لما اتحرق المجمع العلمي ؟



ومن الغريب ان الكل بيتكلم عن اصابع خارجيه وايادي ودولارات ويوروهات وناس قابضه من امريكا واسرائيل ومش عارف ايه واول اللي بيقول الكلام ده المجلس العسكري 
طب ولما هو كده يا مجلس يا عسكري ليه بناخد معونه من امريكا ومنهم معونة خاصة للجيش المصري وليه بناخد توجيهات واوامر من امريكا ؟
وليه بنصدر الغاز لاسرائيل ؟
ليه بنعمل معاهم كده لما هما ناس وحشه قوي وبتكرهنا وعاوزين يدمروا البلد !!
ليه يا مجلس يا عسكري ؟
ليه يا طنطاوي ؟
لييييييييه !!! ؟


ولو فعلا فيه ايادي خارجية واصابع ورجلين وطرف تالت مين المسئول عن تقديمهم للناس او الشعب عشان يعرفوا الحقيقة !

اذا كان في حد قابض وباع البلد يبقي مش الثوار 
الكل عارف كويس مين الخائن ومين اللي باع البلد مش دلوقتي لا ده من زمااااااان

!!!!