s3edy7or


مدونة صعيدى حر

( s3edy 7or )

الأربعاء، 28 ديسمبر، 2011

حقيقة الكاذبون..!


حقيقة الكاذبون..!




مشاهد تعرض لأول مره عن تورط الحرس الجمهورى فى موقعة الجمل





مشاهد تعرض لأول مره عن تورط الحرس الجمهورى فى موقعة الجمل





شاهدو الحرس الجمهورى " قائد الحرس الجمهورى لواء جيش " و هو يسهل و يسمح بمرور بلطجية موقعة الجمل سيرا و على البغال و الجمال بالمرور

من سمح لموقعة الجمل أن تحدث بالتأكيد لم يساند الثورة
من قام بالكشف عن عذرية البنات بالتأكيد هو كافـــر بالثورة و كارة للثوار
من لم يحاسب القتلة بعد مرور قرابة العام هو حليف لهم و يقود الثورة المضادة
من يرغب بالأحتفاظ بالسلطة و لا يريد التخلى عنها هو بالتأكيد يرغب بالاستمرار فى الحكم ليضمن القضاء على الثورة...





المجلس العسكري لم يحمى الثوره 
المجلس العسكري  خان الثوره ..  المجلس العسكري  خان الشعب 




وبيقولك حموا الثورة ..

وبيقولك حموا الثورة ..
شعر لــ : محمد سعيد




وبيقولك حموا الثورة .. ياخونا حد يقولهم .. نفخونا كدب وألش ..
بيقولنا .. قال موتوهم مرضناش .. ولما راح المحكمة قالك مقالش ..
ياعصابة طلعت ع المعاش .. الشعب فاهم الشعب لسه متهطلش ! 
دبحونا في الميدان قدام عنيهم .. وبيقولك حموا الثورة !
 شهيد ماسبيرو يتحاكم .. والسفاحين بيفسحوهم  .. وبيقولك حموا الثورة !
يلعن أبوهم .. هو ابوهم يعني احسن م اللي بيقتلوهم. ؟!
احنا اللي متنا في الميدان وهم ابوهم متقتقلش  ..
احنا اللي منا الألف ماتوا والالأف المتصابين والالاف المسجونين وبيسألونا فيكم إيه بنقول مفيش ..
احنا اللي بنموت فرحانين متبسمين وأملنا مصر وشعب مصر فوق جثثنا ملك ... يعيش ..
احنا شعب النوبه والصعيد والقاهره والسويس واسكندرية والعريش .. اسمعي ياحكومة طرش
ـــــــــــــــــــــــــــــــــــــــــــــــــ
دمنا بيروح بلاش وبيقولك حموا الثورة 
شهادة زور لأمشير الغبي الغشاش قال عاش مبارك فيها عاش ! وبيقولك حموا الثورة !
ياعم حليش .... منش درويش .. ولا حشاش  .. كلامك كله لامؤاخذه  ..    .. يكيف بس ميحبلش ..
سعادة الخط والأوباش  .. دي ثورتنا وثورتنا بدون ثوارها مبتحبلش ..
مصر بسببكو فغرفة الإنعاش .. بتموت بموت .. وانت البعيد أضبش ومبتفهمش
ـــــــــــــــــــــــــــــــــــــــــــــــ
ما تسيب ياعم .. وخلي عندك دين ودم .. بقالنا شهور والنور مجاش ! ..سايء عليك ربنا ترحل ومتوحلش 
ياعم حليش .. حذاري يغرك الالاضيش ..وخد بالك قلوب الثورة مبتنساش .. ووقت  التار أيادي الثورة مبترحمش
هترحل ............................... بكيفك أو بدون كيفك هترحل .. سعادتك احنا مبنرحلش
ــــــــــــــــــــــــــــــــــــــــــــــــــــ
وبعض الناس تقولك إيه ؟ بشويش عليه
ده حائط الصد الأخير .. ياجماعة خير اتفاءلوا خير !
عالم حمير .. طول عمرهم وهيفضلوا طول عمرهم حبة حمير ..
يابن الحلال .. يابن الحلال هي الديابة عمرها حرست غنم ؟
هو اللي بيدوس عـ الغلابه عشان يعيش اسرائيل ينفع غفير ؟!
الثورجي يبقى عميل ويلزقوله في التهم !
والعميل والمأجورين والبلطجية والرعاع والنصابين والشمامين ويا الفلول المجرمين ويا .. اللي فوق عرفات بيدن كلهم بيسبحوا بحمد المشير
وجاي تقولي اتفاءلوا خير ..
ــــــــــــــــــــــــــــــــــــــــــــــــــــ
دول اللي سارقين حلمنا ..
دول اللي حابسينك وانا ..
متخافش واصرخ ضدهم دول مـ البشر مش ربنا
ــــــــــــــــــــــــــــــــــــــــــــــــــــ
طب ليه عايزهم يحكمونا ؟
مكفاية من ستين سنه ومطلعين ميتين أبونا !
ــــــــــــــــــــــــــــــــــــــــــــــــــــ
هيسيبوا مين ؟
لو انت صديق الصحابه وانا شاعر الناس الغلابه يبقي دول هم أمير المؤمنين !
لكن منين ؟
دنا وانت طين .. وانا وانت م الطين اتخلقنا ..  اتخيل انت هيبقوا مين .. اللي م النار مخلوقين ؟
إزاي عايزهم يحكمونا ؟!
هي العقارب تتقني ؟ ولا عمرك شفت فوق المية حاجه بتتبني ؟ ولا عمرك مرة شفت في أمل في الميتين ؟
ــــــــــــــــــــــــــــــــــــــــــــــــــــ
يامن تركتنا يوم موقعة الجمل .. قد اشتركت بقتلنا ببجاحة لا تحتمل  
والعباسية لما حميت البلطجية  ..
ولا الفلول اللي طالقهم في البلد
واللي تاني بشكل تاني وبين ايديكو بتتولد
مبقاش ولد ..
لو ما جا اليوم اللي نكسر فيه التماثيل اللي من دون ربنا فيكي ياطيبة بتتعبد
ــــــــــــــــــــــــــــــــــــــــــــــــــــــــــــــ
ولا بنات مصر اللي أشرف م الشرف
نجستهم باديك عذرية ايه جتك الأرف
ماهو الوسخ أصل الوسخ هو اللي ببشوف كل اللي حواليه  منحرف .. يامنحرف
ـــــــــــــــــــــــــــــــــــــــــــــــــــــــــــــ
هتحمي مين ؟
عشرين سنه وانت الوزير انت الكبير .. عشرين سنه بتعبد مبارك عشرين سنة دراعه اليمين
عشرين سنه اخرس واعمي ودن طين وودن مليانة عجين
هتحمي مين ؟
عشرين سنه واقف حرس ع الفاسدين .. عشرين سنه بيقول شمال بيقول يمين بتقول أمين
هتحمي مين ؟

إسمع يامجلسنا العنيد
هيموت شهيد هيقوملكم مليون شهيد
إنتهى زمن الخرس
إنتهى زمن العبيد
ـــــــــــــــــــــــــــــــــــــــــــــــــــــــــــ

أهالى بلقاس يحتجزون "عكاشة"






  • قام أهالى مركز بلقاس التابع لمحافظة الدقهلية بطرد الإعلامى توفيق عكاشة والمرشح المحتمل لرئاسة الجمهورية من المؤتمر الذى أعده حزب مصر القومي في ضيافة أحد  كبار عائلات البلد للتعريف ببرنامجه الانتخابى، بالإضافة إلى إحتجازه حتى الأن.
  • وكان أهالى بلقاس تجمعوا داخل السرادق المقام لمؤتمر "عكاشة" وقاموا بسبه وأجبروه على النزول من على المنصة داخل السرادق.
  • وكان طه ياسين الداعى للمؤتمر قد قام بإطلاق الرصاص احتفالا بعكاشة، وأصاب اثنين جراء إطلاق الرصاص وهما "محمد محمد السيد"، و"إياد صلاح"، وثار الحاضرون ضده، وهتفوا "ياتوفيق وطى وبوس.. إيد صفوت الشريف" و"الشعب يريد البطة ياتوفيق".
  • ومن جانبها تجاهلت قناة الفراعين التي يملكها عكاشة المؤتمر وأذاعت بعض اللقاءات المسجلة مع أهالي القرية قبل إجراء المؤتمر، كما أذاعت إحدي الحلقات المسجلة له في برنامجه الذي يقدمه "مصر اليوم".
  • (المصدر : الوفد )













والله رجاااااااااااااله