s3edy7or


مدونة صعيدى حر

( s3edy 7or )

الثلاثاء، 27 مارس، 2012

فضيحة شبكة رصد الإخوانجية








عبد القادر الشيشيني من ادارة الشبكة شوفوا كاتب ايه في الجروب بتاع محرري رصد
من كواليس رصد و الأهم انه من كواليس الاخوان تدعيم حكومة الجنزوري .
ده طبعا أيام ما كان أهم حاجة الانتخابات ايام ما كان الثوار هما اللي رافضين الجنزوري

رابط الاكاونت :

الاثنين، 26 مارس، 2012

قصه الحاجه كرمه أغني نساء العالم..





اتصلت سيدة عجوز ببنك الطعام تطلب حضور مندوب لاستلام خمسة بطاطين تبرعا منها لصالح ضحايا السيول وتركت عنوانها بالتفصيل.. ميدان ثم شارع ثم حارة ثم حارة أخرى ثم دكان بقال ثم بيت!.

وصل مندوب البنك بصعوبة بالغة إلى مكان إقامة السيدة العجوز، فوجدها عجوزا أكثر مما تصور، هزيلة أكثر من أى توقع، بسيطة أقل من كل فقر، تسكن غرفة صغيرة لاتدخلها الشمس تحت بئر سلم!.

استقبلت موظف البنك باشتياق شخص يبحث عن ضوء فى عتمة، أصرت على أن تعد له واجب ضيافة كوب من الشاى وهى تقدمه قالت له:.. «الشاى يا ابنى من يد خالتك كرمة، بالهنا والشفا، والله كوبياتى نضيفة وزى الفل، ماتقرفش».

كان الموظف الشاب يشرب الشاى وهو يراقب عروق وجهها تنتفض وهى تحكى منفعلة وكان مندهشاً، تصرخ فى وجع:.. «.. ماتستغربش، أنا فقيرة آه.. بس فيه اللى أفقر منى، أنا معاشى من جوزى الله يرحمه 300 جنيه، جبت بمتين وخمسين منهم البطاطين ديه، وهتدبر لغاية آخر الشهر بالخمسين، ربنا بيبعت!».

غرفة لا تتسع أكثر من شخصين، سرير صغير يتحمل بصعوبة جسدها النحيل، لمبة فى السقف وتليفزيون بإيريال معلق على شباك المنور، تليفون موبايل قديم يبدو أنه نافذتها الوحيدة مع الحياة، وابتسامة دافئة كبيرة تكشف عن زمن بعيد لم تعرف فيه أبعد من هذه الغرفة ومن هذا المكان.
-..«لكن ياحاجة كرمة، يعنى ماتفهمنيش غلط واستحملينى، مش برضه أنت أولى بحق الخمس بطاطين، ظروفك يعنى.. »..

وتخبط يدها على طرف السرير فيهتز وتقول بعبارات لا زيف فيها ولاتراجع:.. «..يا ابنى اللى شفته فى التليفزيون يقطع القلب، ناس عريانة مرمية فى الشوارع من غير لا بيت ولا غطى، أنا فقيرة بس مش غلبانة.. هم غلابة ولو كانوا مش فقرة، أنا ربنا ساترنى فى أوضة باقفل بابها تدفينى وأنام.. هم ماعندهمش لا باب ولا أوضة، يا أبنى خد البطاطين وتوكل على الله الحق ابعتها لحد محتاج قبل ما الليل ييجى، توصل بالسلامة وشرفتنى يا ابنى..».

ذهب الموظف بأغلى خمس بطاطين إلى مقر بنك الطعام وحكى لهم ودموع كثيرة فى عينيه قصة الحاجة كرمة، كرمها وكبرياؤها ووجهها الصافى الصادق وكلماتها البريئة الحقيقية، حكى لهم عن علاقتها مع الله، هذه المرأة العجوز التى نساها الزمن لم يهملها الله برحمته فرزقها الحب والبساطة والشجاعة، هذه امرأة لاتخاف أحدا، لاتخاف الفقر ولا الجوع والبرد ولا المرض ولا الموت، تحب الله وتعيش فى أمانه وفى وعده الحق لها، حكى قصة امرأة نظنها أنها تعيش على هامش الحياة.. بينما هى الحياة نفسها.

قرر زملاؤه أن يفعلوا أى شىء لهذه المرأة، اقترحوا معاشا شهريا، معونة عاجلة، البحث عن شقة صغيرة لها، سرير أكبر، ثلاجة بها طعام، فسحة فى مكان جميل، لكن موظف البنك الذى ذهب لها قال لهم بثقة من عرفها عن قرب إنها سترفض كل شىء.


فى النهاية وصلوا إلى حيلة، اتصلوا بها على أنهم من شركة التليفونات التى تحمل أحد أرقامهم، أبلغوها أنها فازت بجائزة مالية كبيرة،
فقالت لهم دون أن تهتز من فرحة أو مفاجأة:.. «.. عارفين بتوع بنك الطعام، اتبرعو لهم بالفلوس كلها، قولوا لهم يجيبوا بيها بطاطين كتيرة لبتوع السيول، ماحدش بيموت من الجوع.. بس فيه ناس كتير بتموت من البرد»

الأحد، 25 مارس، 2012




" نصف أوزار الملحدين في هذا العالم يحملها متدينين كرهوا خلق الله في دين الله "




الامام محمد الغزالي

الخميس، 22 مارس، 2012

على يدى ....






على يدى .... كان مبارك قاعد هنا و العادلى قاعد هنا

و مبارك يقول للعادلى : متضربش... نار يا... عادلى
و العادلى يقوله : أنت هتوصينى على عيالى ياريس .... يقوله: العيال يا عادلى أوعى تزعل حد منهم ...... العادلى يقوله :دول فى عنيا يا ريس ..... أتاريهم يا أخويا بيتكلموا عن جمال و علاء !!



الأربعاء، 21 مارس، 2012

كل سنة وانتي طيبه يا أمـــــــي ...



كل سنه وانتي طيبه يا أمــــــــــي

اليوم هو 21 مارس 
يوم عيد الأم

كل سنه وكل الامهات بخير وبالاخص امهات شهداء الثوره اللي اتحرموا من انهم يسمعوا كل سنه وانتي طيبه من ابناءهم
وربنا يصبرهم وان شاء الله نقدر نجيب حقهم
:) 


اللهم اجعل أمـَي ممن تقول لها النار أعبري فإن نورك أطفا نــاري ,
 وتقول لها الجنه أقبلي فقد اشتقت إليك قبل ان أراك . 




السبت، 17 مارس، 2012

وداعا البابا شنودة...





وفاة البابا شنودة الثالث، بابا الإسكندرية وبطرايرك الكرازة المرقسية عن عمر يناهز 

89 عامًا




خالص تعازينا لكل الاخوة المسيحيين





الثلاثاء، 13 مارس، 2012

عسل أسود

عارفة سواد العسل أهو ده اللي حالك ليه وصل ازاي قوليلي مكمله وكل ده فيكي حصل يا بلد معانده نفسها يا كل حاجة وعكسها أزاي وأنا صبري أنتهى لسه بشوف فيكي أمل !!!







الثلاثاء، 6 مارس، 2012

هذا ما جناه الجهل والاتجار بالدين



هذا ما جناه الجهل والاتجار بالدين .. الاسلام مش كده .. وأكيد احنا نستاهل احسن من كده




 ليه بردو الاخوه السلفيين مصرين يستخدموا الدين والقران لاغراضهم الشخضيه
ليه الايات القرانيه لا تذكر الا عندما ينتقدكم احد
ليه محدش قال لنائب الترامدول قول الله تعالي :
بسم الله الرحمن الرحيم " يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين " صدق الله العظيم

ليه محدش قال لنائب اللغة الانجليزيه قول الرسول - صلي الله عليه وسلم - : من تعلم لغة قوم امن مكرهم "

ليه محدش قال لنائب المواقع الاباحيه ان البلد كلها مشاكل كتيييير جدا اهم من المواقع دي ليه محدش قاله في ناس مش لاقيه تاكل واللي علشانهم قامت الثورة دي واللي للاسف الناس كلها استفادت من الثورة الا هما ليه محدش قاله ان الناس مش لاقيه انابيب البوتجاز ولا البنزين واحنا بنصدر الغاز لعدونا ليه محدش قاله ان اكثر من نص الشعب من المصرين تحت خط الفقر في حين ان اموال البلد منهوبه ومحدش عاوز يرجعها
ليه متكلمش هو ولا غيره عن المشاكل دي

ليه محدش قال للنائب اللي عمل عملية تجميل في انفه ان دي خلقة ربنا اللي مش عاجباه وعاوز يغير فيها ليه محدش قاله ان ربنا سبحانه وتعالي والرسول الكريم عليه الصلاة والسلام نهانا عن الكذب والنفاق لما ادعي بالكذب انه تعرض لمحاولة اغتيال 

مع ان لو حد من الناس الوحشه الكفره ولاد التيت (علي حد تعبير اغلبكم) اللي اسمهم الليبرالين والعلمانين لو صدر منه موقف زي ده الدنيا هتقوم وتقعد وازاي يقول كده ده كذا وكذا ........ الخ

ياناس حرام عليكم ارحمونا من الشعارات الزائفه دي وارحمونا من استغلال الدين للوصول لاغراضكم متكرهوش الناس في الاسلام اكتر من كده 
اقسم بالله الاسلام مش كده
 حرام عليكم


الجمعة، 2 مارس، 2012

من أجل كرامة مصر






من أجل كرامة المصري .. هذا ما فعله السادات مع سفارة بلغاريا..!!

كانت الحكومة البلغارية مأجرة السفارة البلغارية من إمرأة مصرية ..

السفارة البلغارية إمتنعت عن دفع الإيجار لهذه المرأة في شهر من الشهور ..

طالبت المرأة بحقها ولم تجده .. فـ إشتكت لكل المسئولين في الدولة حتى الوزراء أنفسهم ..

ولكن لا حياة لمن تنادي ..

ولما لم يرد أحد لها حقها .. ذهبت إلى كبير العائلة المصرية الرئيس أنور السادات ..

حكت مشكلتها للرئيس ..

ثم أمر السادات على الفور بالتأكد من هذه القصة ..

ولما علم السادات بـ أن القصة حقيقية 100% ..

إتخذ السادات قراراته وكانت على النحو التالي ..

طرد السفارة البلغارية من مصر ، وسحب السفير المصري من بلغاريا ، ودفع المبالغ المستحقة عليهم

وقال السادات حينها :

لما الست المصرية دي يتعمل فيها كده في بلدها .. أومال لما تسافر بره مصر هيحصل لها إيه ..


هذا هو السادات .. اللي في وقته مكنش في شيئ إسمه مصري يتهان

رحمة الله عليه
 
 
 
 

الخميس، 1 مارس، 2012

أيحسب أن لن يقدر عليه أحد !؟



بسم الله الرحمن الرحيم



  صدق الله العظيم   




اللهم انا نسألك ان تنصر اهل سوريا علئ ذلك الظالم و ان تأخذه اخذ عزيز مقتدر اللهم انتقم منه

اللهم انصرهم عليه وارحم جميع شهدائهم و موتاهم 
اللهم انا نسألك ان تنصر كل مظلوم

اللهم امين اللهم امين يارب العالمين