طنطاوي : مصر ماشية في الاتجاه بتاعها زي ما احنا مخططين ومش حاجة زي دي اللي توقع مصر
- بس احنا عايزين الشعب كله يشترك في حاجات زي دي .. هو مين اللي عمل ده .. مش دول ناس من الشعب برضه؟ طب الشعب ساكت عليهم ليه
- دي أحداث ممكن تحصل في أي حتة في العالم
- احنا مش هنسيب اللي عمل كده أو تورط فيه
- أمن مصر ان شاء الله سليم وحيستمر ان شاء الله وكل حاجة هتبقى تمام
- أنا اديت أوامر للمصابين يعالجو افي مستشفيات القوات المسلحة وغير القوات المسلحة
- وبالنسبة للمتوفين هنبحث مواقفهم وان شاء الله هنديهم التعويضات لأهاليهم!
- اقالة المحافظ أو مدير الأمن ده مش موضوع مش وقته دلوقتي قبل التحقيقات
!!!!
- " ومصر ماشية في الاتجاه بتاعها زي ما احنا مخططين"
"ومش حاجة زي دي اللي توقع مصر "
فعلا واضح جدا انكم مخططين كويس وكل حاجة ماشيه زي مانتوا مخططين بالظبط ( لا بصراحة الصرف باين )
ثم وايه يعني 80 قتيل في مباراه في اقل من 3 ساعات ماهو شئ عادي جدا وبتحصل كتييييييير
هو مين اللي عمل ده .. مش دول ناس من الشعب برضه؟ طب الشعب ساكت عليهم ليه !!
يعني ايه ساكت عليهم ليه ؟ مش فاهم !
يعني عاوز الشعب يقتل في بعضه وتقوم حرب اهليه عشان سيادتك تعلن الاحكام العرفيه وتقعدوا تقرفونا مدي الحياة بحكم العسكر
دعوة من المشير لقيام حرب اهليه بين ابناء وشباب مصر !!!
ثم تعويضات ايه اللي بتتكلم عنها اذا كان اللي استشهدوا في 25 يناير 2011 لحد النهارده 2 فبراير يعني اكتر من سنه مخدوش تعويضات
صحيح اللي اختشوا ماتوا
اما حكاية ان اقالة المحافظ او مدير الامن دي امر مستبعد او غير قابل للنقاش دي هنشوف رد مجلس الشعب عليها ايه بكره ان شاء الله لان الشعب متنظر او قرار بكره في الجلسه سحب الثقة من حكومة الجنزوري ودي ابسط واقل حاجة ممكن ترضي الناس
!!!!!!
ليست هناك تعليقات:
إرسال تعليق